Í áfanganum er áhersla lögð á að nemendur þjálfist í munnlegri tjáningu og að rökstyðja skoðanir sínar. Það gera þeir m.a. með því að flytja stuttar ræður, endursegja sögur, flytja ljóð og kynningar. Einnig er markmiðið með kennslunni að nemendur fái þjálfun í að hlusta á aðra og að koma fram fyrir hópi fólks. Þjálfun í framsögn og hlustun er einstaklingsmiðuð.
Nemandi skal hafa öðlast þekkingu og skilning á:
munnlegri notkun tungumálsins
líkamstjáningu við framsögn
raddbeitingu við flutning
Nemandi skal hafa öðlast leikni í að:
tjá sig skýrt og hnökralaust um undirbúið efni
taka þátt í samræðum
taka virkan þátt í samskiptum á viðeigandi hátt
hlusta á aðra tjá sig
virða skoðanir annarra
standa fyrir framan hóp og tjá sig með tilliti til raddbeitingar og líkamstjáningar sem eru við hæfi hverju sinni
Nemandi skal geta hagnýtt þá almennu þekkingu og leikni sem hann hefur aflað sér til að:
túlka texta
endursegja frásögn
koma skoðunum sínum á framfæri
geta tekið tillit til skoðana annarra
leysa ýmis mál sem upp koma í samskiptum og haga orðum sínum í samræmi við aðstæður
taka þátt í skoðanaskiptum og færa rök fyrir máli sínu á eins skýran hátt og mögulegt er
Símat sem byggir á áhuga og virkni nemanda í ýmis konar verkefnagerð.