Í þessum áfanga lesa nemendur ýmiskonar bækur sem miðast við hæfni og áhuga hvers nemanda í lestri. Nemendur lesa skáldsögur, fréttaefni, menningartengt efni, ritdóma og myndabækur. Nemendur öðlast þjálfun í að lesa upphátt. Einnig er markmiðið með áfanganum að auka orðaforða nemenda.
Nemandi skal hafa öðlast þekkingu og skilning á:
lestri sér til ánægju og fræðslu
lestrarefni við hæfi
mikilvægi þess að geta einbeitt sér við lestur
Nemandi skal hafa öðlast leikni í að:
tjá sig um lesinn texta
svara spurningum úr textanum
endursegja lesið efni
greina á milli aðalatriða og aukaatriða í texta
Nemandi skal geta hagnýtt þá almennu þekkingu og leikni sem hann hefur aflað sér til að:
byggja upp jákvætt viðhorf til lesturs
auka lesskilning sinn og orðaforða
fara á bókasafn og ná sér i bók sem hæfir lestrarkunnáttu
auka skilning sinn á ýmiskonar samfélagsmálum
lesa fjölbreytt efni sér til gagns og gamans
Símat sem byggir á áhuga og virkni nemanda í ýmis konar verkefnagerð.