Í þessum áfanga fá nemendur þjálfun og kennslu í grunnatriðum íslenskrar málfræði s.s. greini, tölu, kyni, tíðum, sagnbeygingum, forsetningum, stigbreytingu lýsingarorða og fornöfnum. Unnið er að því að rifja upp og byggja ofan á þá kunnáttu og færni sem nemendur hafa.
Nemandi skal hafa öðlast þekkingu og skilning á:
helstu reglum málfræðinnar í rituðu og töluðu máli
helstu málfræðihugtökum
Nemandi skal hafa öðlast leikni í að:
beita grunnreglum málfræði eins og kostur er
Nemandi skal geta hagnýtt þá almennu þekkingu og leikni sem hann hefur aflað sér til að:
tala rétt mál
skrifa rétt mál
Símat sem byggir á áhuga og virkni nemanda í ýmis konar verkefnagerð.