Nemendur fá þjálfun og kennslu í að skrifa margvíslega texta. Þeir fá kennslu í skapandi skrifum, að endursegja texta og að svara spurningum úr lesnum texta. Einnig fá nemendur þjálfun í ritgerðasmíð og heimildavinnu.
Nemandi skal hafa öðlast þekkingu og skilning á:
helstu grunnreglum ritunar
hugtökum eins og upphaf texta, miðju og endi
uppbyggingu málsgreina og aðalatriðum og aukaatriðum í texta
Nemandi skal hafa öðlast leikni í að:
skrifa texta um efni sem hann hefur þekkingu á og fylgja hefðum um uppbyggingu texta
skrifa um efni sem hann hefur hlustað á, séð eða lesið
Nemandi skal geta hagnýtt þá almennu þekkingu og leikni sem hann hefur aflað sér til að:
styrkja sig í ritun á frumsömdum og lesnum texta
sýna sjálfstæði í ritun
semja eigin texta
Símat sem byggir á áhuga og virkni nemanda í ýmis konar verkefnagerð.