Í þessum áfanga er markmiðið að nemendur fái kennslu og þjálfun í grunnþekkingu í stafsetningu og greinamerkjasetningu. Í lok áfangans eiga nemendur að þekkja helstu reglur ritaðs máls og geta nýtt sér þekkinguna í rituðu og töluðu máli. Nemendur fá þjálfun í notkun orðabóka og leiðréttingaforrita.
Nemandi skal hafa öðlast þekkingu og skilning á:
grunnþáttum stafsetningar
grunnþáttum greinamerkjasetningar
notkun orðabóka og hjálparforrita
Nemandi skal hafa öðlast leikni í að:
skrifa læsilegan og skýran texta
stafsetja rétt
nota greinamerki rétt
Nemandi skal geta hagnýtt þá almennu þekkingu og leikni sem hann hefur aflað sér til að:
skrifa texta þar sem grundvallaratriðum stafsetningar og greinamerkjasetningar er fylgt
nota orðabók og leiðréttingaforrit
Símat sem byggir á áhuga og virkni nemanda í ýmis konar verkefnagerð.