Í þessum áfanga er fjallað um flest það sem viðkemur stelpum og unglingsárum. Meðal annars er fjallað um líkamann, kynþroskann, hreinlæti, snertingu, fjölskyldur, sjálfstraust og sjálfsmynd, fyrirmyndir og staðalímyndir, vináttu og ást.
Nemandi skal hafa öðlast þekkingu og skilning á:
ólíkum aðstæðum stelpna, upplifunum og lífsreynslu
hvað einkennir gott sjálfstraust
„reglum“ um snertingu og einkasvæði hreinlæti
útlitsdýrkun og hvað hún hefur í för með sér
mikilvægi vina/vinkonu sambanda
sambandi tveggja einstaklinga
kynþroska hjá strákum og stelpum
ástinni eins og kostur er
undirstöðuþáttum í kynheilbrigði
Nemandi skal hafa öðlast leikni í að:
þekkja einkasvæði líkamans
greina í sundur góðar og slæmar tilfinningar
tryggja eigið öryggi
greina eigin framkomu við aðra
taka tillit til ólíkra aðstæðna einstaklinga
taka þátt í umræðum um „stelpumál“
Nemandi skal geta hagnýtt þá almennu þekkingu og leikni sem hann hefur aflað sér til að:
bera virðingu fyrir ólíkum sjónarmiðum
lifa sem hamingjusamur einstaklingur með heilbrigða kynhegðun
Símat sem byggist á áhuga og virkni nemanda í ýmis konar verkefnagerð.