Áfanginn er ætlaður til að efla og styrkja félagsfærni nemanda. Félagsfærni er félagslega viðurkennd lærð hegðun sem gerir manneskjunni kleift að eiga árangursrík samskipti við aðra og að forðast félagslega óásættanleg viðbrögð. Nemendur með góða félagsfærni eru líklegri til að eiga frumkvæði að samskiptum, viðhalda þeim og aðlaga sig að breyttum aðstæðum. Þeir læra að kortleggja styrkleika sína og hæfileika, þekkja eigin tilfinningar og hafa stjórn á þeim.
Nemandi skal hafa öðlast þekkingu og skilning á:
félagslegri hegðun eins og kostur er
óskrifuðum reglum í félagslegum samskiptum
eigin ábyrgð í samskiptum við annað fólk
styrkleikum sínum og hæfileikum
eigin tilfinningum og annarra í samskiptum
eigin sjálfsmynd
Nemandi skal hafa öðlast leikni í að:
tengjast félögum
vinna með öðrum
greina í sundur tilfinningar og hafa stjórn á þeim
haga sér við ýmis tækifæri sem krefjast félagslegrar innsýnar
setja sig í spor annarra
greina eigin ábyrgð og skyldur
Nemandi skal geta hagnýtt þá almennu þekkingu og leikni sem hann hefur aflað sér til að:
geta átt í jákvæðum og innihaldsríkum samskiptum við annað fólk
finna nýjar og viðeigandi aðferðir til að leysa vandamál
iðka prúðmennsku og háttvísi
bera virðingu fyrir sjálfum sér og öðrum
Símat sem byggist á áhuga og virkni nemanda í ýmis konar verkefnagerð.