Í áfanganum er kennt um fjölbreytta menningu, íslenska sem erlenda. Lagt er upp úr að nemandi skilji hugtakið menning og geti skilgreint menningu út frá hinum ýmsu þáttum hennar. Þá býður áfanginn upp á að hægt sé dýpka þekkingu á einstökum sviðum.
Nemandi skal hafa öðlast þekkingu og skilning á:
hugtakinu menning
ólíkum þáttum menningar
ólíkum menningarheimum
Nemandi skal hafa öðlast leikni í að:
tengja menningu við listir út frá uppruna, tímatali og markhóp
tengja mismunandi trúarbrögð við ólíka menningarheima
tengja matarhefðir við ólíka menningarheima
Nemandi skal geta hagnýtt þá almennu þekkingu og leikni sem hann hefur aflað sér til að:
geta notið mismunandi menningar og greint bakgrunn hennar
bera virðingu fyrir ólíkum menningarheimum
Símat sem byggist á áhuga og virkni nemanda í ýmiskonar verkefnagerð.