Áfanginn leitast við að samþætta markmið náttúrufræði- og samfélagsgreina. Markmiðið með áfanganum er að nemendur læri um fjölbreytileika íslenskrar náttúru og hringrásir hennar, læri um umhverfi sitt og ýmis hugtök sem tengjast því. Að þeir kunni að lesa landakort, fái innsýn í mannkynssögu sem og sögu lands og þjóðar og setji sig inn í hinn tæknivædda heim nútímans.
Nemandi skal hafa öðlast þekkingu og skilning á:
að hann sé hluti af stærra samfélagi
hvað felst í því að Ísland er eyja
að maðurinn er hluti af náttúrunni
hvernig líf manna hefur breyst í aldanna rás og þátt tækninnar í þeim breytingum
nokkrum breytingum sem orðið hafa á nánasta umhverfi af mannavöldum
hættum á heimili og í umhverfinu
Nemandi skal hafa öðlast leikni í að:
lesa í umhverfi sitt
nota einföld hugtök úr náttúruvísindum
taka eftir og ræða atriði í umhverfi sínu, sýna félögum og náttúru alúð
Nemandi skal geta hagnýtt þá almennu þekkingu og leikni sem hann hefur aflað sér til að:
þroska með sér virðingu fyrir lífi, náttúru og umhverfi
vera forvitinn um umhverfi sitt og náttúru
Símat sem byggir á áhuga og virkni nemanda við ýmiskonar verkefnagerð.