Markmið með áfanganum er að nemandi öðlist þekkingu til að geta tekið ábyrgð á eigin heilbrigði. Höfuðmarkmið með kennslunni er að nemendur séu meðvitaðir um heilbrigða næringu og eðlilega orkuþörf líkamans.
Nemandi skal hafa öðlast þekkingu og skilning á:
undirstöðu almennrar næringarfræði
neyslu hollrar og fjölbreyttrar fæðu
nauðsynlegum vítamínum og bætiefnum
tengslum hreyfingar og hollrar næringar
helstu efnum sem líkaminn er byggður úr
orkugjöfum og orkuþörf líkamans
Nemandi skal hafa öðlast leikni í að:
greina á milli hollrar og óhollrar fæðu
reikna út næringarþörf sína
kanna eigin neysluvenjur
lesa á umbúðir og meta næringargildi matvæla
Nemandi skal geta hagnýtt þá almennu þekkingu og leikni sem hann hefur aflað sér til að:
tileinka sér holla lífshætti
taka rökstudda afstöðu til næringarmála í daglegri umræðu
gera sér grein fyrir eigin næringarþörf eins og kostur er
geta sett saman heilsusamlegar máltíðir
tengja næringarfræðina við daglegt líf og sjá notagildi hennar
Símat sem byggir á áhuga og virkni nemanda í ýmis konar verkefnagerð.