Í áfanganum er lögð áhersla á að fræða nemendur um réttindi sín og skyldur ásamt því að hvetja þá áfram í að verða virkir þátttakendur í samfélaginu. Fjallað er um jafnrétti þegna, kynjahlutverk, umburðarlyndi, samstöðu með öðrum íbúum heimsins, friðarvilja, skilning á félagslegu réttlæti og meðvitund um umhverfið og verndun þess.
Nemandi skal hafa öðlast þekkingu og skilning á:
hvernig við erum öll tengd og háð öðru fólki, sem og öðrum löndum og heimshlutum
almennri stöðu kvenna og karla
grundvallaratriðum varðandi kynjahlutverk
ólíkum menningarheimum og mismunandi trúarbrögðum
hvernig þættir eins og búseta, fötlun, kyn og kynhneigð geti skapað mismun eða forréttindi í lífi fólks
eigin fordómum og staðalímyndum og fordómum í samfélaginu
almennum mannréttindum
gildi umhverfis og náttúru
Nemandi skal hafa öðlast leikni í að:
vinna að því að losa sig við staðlaðar hugmyndir um fólk og menningu
rækta með sér samkennd og virðingu fyrir skoðunum og lífsgildum annarra og taki ábyrgð á eigin lífi
Nemandi skal geta hagnýtt þá almennu þekkingu og leikni sem hann hefur aflað sér til að:
kynnast og finna til samkenndar með fólki sem er mjög ólíkt honum sjálfum, þar með taldir
flóttamenn, innflytjendur og fólk sem hefur almennt ólíkar skoðanir
taka á fordómum í samfélaginu og leitast við að fylgja málstað jöfnuðar og réttlætis
virða jafnrétti í samskiptum og vera meðvitaður og gagnrýninn á áhrif fyrirmynda og staðalmynda í eigin ímynd og lífsstíl
Símat sem byggir á áhuga og virkni nemanda við ýmis konar verkefnagerð.