Í áfanganum er lögð áhersla á mikilvægustu atriði skyndihjálpar. Fjallað er um helstu orsakir slysa og hvernig hægt er að fyrirbyggja eða lámarka slys. Kennd eru viðbrögð við algengum óhöppum, slysum og sjúkdómum. Farið er í hvernig tryggja á öryggi á slysstað. Þá er innihald sjúkrakassa kynnt og hvernig nýta má þá hluti sem þar er er að finna.
Nemandi skal hafa öðlast þekkingu og skilning á:
gildi þess að kunna rétt viðbrögð þegar slys eða óhöpp eiga sér stað
algengustu slysum og annarri óvæntri neyð sem við getum orðið fyrir
Nemandi skal hafa öðlast leikni í að:
greina einföldustu óhöpp og slys
setja plástur og teygjubindi
vita hvernig á að taka á blóðnösum
kæla einföld brunasár
Nemandi skal geta hagnýtt þá almennu þekkingu og leikni sem hann hefur aflað sér til að:
tryggja öryggi á slysstað að mestu eða að fá einhvern til þess
vita hvert á að leita þegar slys ber að höndum
veita fyrstu hjálp við minni háttar óhöpp
Símat sem byggir á áhuga og virkni nemanda við ýmis konar verkefnagerð.