Í áfanganum er leitast við að kynna nemendum tónlistarsögu í afar stórum dráttum. Farið verður yfir helstu tónlistarstefnur allt fram á þennan dag. Einnig verða helstu hljóðfæraflokkar kynntir nemendum. Nemendur hlusta á tóndæmi og horfa á ýmis brot úr verkum og lögum og vinna verkefni sem miða að því að dýpka þekkingu þeirra á tónlist og um leið víkka út áhugasvið þeirra.
Nemandi skal hafa öðlast þekkingu og skilning á:
því hversu ríkan þátt tónlist á í lífi okkar
tónlistarsögunni í stórum dráttum
einkennum helstu tónlistarstefna
helstu hljóðfæraflokkum
því að ekki hafi allir sama tónlistarsmekk
Nemandi skal hafa öðlast leikni í að:
greina einföld tóndæmi út frá ólíkum tónlistarstefnum
greina einstök þekkt hljóðfæri við hlustun
Nemandi skal geta hagnýtt þá almennu þekkingu og leikni sem hann hefur aflað sér til að:
njóta tónlistar betur
víkka út sjóndeildarhring sinn þegar kemur að tónlistarhlustun
Símat sem byggir á áhuga og virkni nemanda við ýmis konar verkefnagerð.