Í áfanganum eru kennd grunnatriði trésmíða með áherslu á þekkingu og færni í notkun handverkfæra og rafmagnshandverkfæra, trésamsetningum, límingum, pússningu og yfirborðsmeðferðum. Nemendur kynnast notkun algengra tegunda viðarlíms og yfirborðsefna og tekið er fyrir val og umhirða á verkfærum.
Nemandi skal hafa öðlast þekkingu og skilning á:
umgengni og notkun á rafmagnshandverkfærum og öðrum handverkfærum eins og kostur er
helstu öryggisþáttum
vinnuaðstöðu og vinnumhverfi
meðferð, notkunarsviði og virkni einstakra hand- og rafmagnsverkfæra
öryggisreglum einstakra hand- og rafmagnshandverkfæra
meðferð og notkun einstakra límtegunda
grunnatriðum í yfirborðsmeðferð smíðaviðar og plötuefnis
öryggisreglum og öryggisráðstöfunum við yfirborðsmeðferð svo sem lakks og annarra efna
Nemandi skal hafa öðlast leikni í að:
nota mismunandi tegundir verkfæra, véla og efna
nota algengustu hand- og rafmagnshandverkfæri
nota áhöld til mælinga og uppmerkinga
bera yfirborðsefni á tré með mismunandi hætti
Nemandi skal geta hagnýtt þá almennu þekkingu og leikni sem hann hefur aflað sér til að:
smíða hluti eftir eigin vali og getu eins og kostur er