hlustun og ritun. menning og staðhættir þýskumælandi landa., lesskilningur, tal
Samþykkt af skóla
1
5
Áfanginn er framhaldsáfangi og flokkast undir A2 skv. evrópska tungumálarammanum. Lögð er áhersla á 4 færniþætti tungumálakennslu: hlustun, lestur, tal og ritun. Nemandi er farinn að lesa og skilja lengri samhangandi texta og samtöl. Nemandi getur tekið þátt í almennum samræðum og skrifað stutta texta. Nemendur nota grunnbækur, lesbók og vinnubók. Einnig lesa þeir stuttar sögur, syngja og leika. Notað er myndefni þar sem nemendur fá kynningu á landi og þjóð. Verkefni eru ýmist einstaklings- eða hópverkefni. Lögð er áhersla á notkun upplýsingatækni.
ÞÝSK1ÞB05
Nemandi skal hafa öðlast þekkingu og skilning á:
þeim orðaforða sem nauðsynlegur er til að mæta hæfniviðmiðum áfangans
helstu grundvallarþáttum í uppbyggingu þýska málkerfisins
mannlífi, menningu og siðum í löndum þar sem þýska er töluð sem móðurmál og helstu samskiptavenjum
Nemandi skal hafa öðlast leikni í að:
skilja talað mál um kunnugleg efni, fylgja almennum munnlegum fyrirmælum og greina aðalatriði þegar fjallað er um afmörkuð efni
lesa margskonar texta og vinna úr þeim á mismunandi hátt eftir því hver tilgangur með lestrinum er hverju sinni
taka þátt í og tjá sig í samræðum um fyrirfram ákveðið efni sem hann hefur þekkingu og áhuga á
skrifa samfelldan texta um efni sem hann þekkir
nota upplýsingatækni og hjálpargögn
Nemandi skal geta hagnýtt þá almennu þekkingu og leikni sem hann hefur aflað sér til að:
fjalla á tiltölulega einfaldan hátt, munnlega og skriflega um efni sem hann þekkir
tjá sig á einfaldan hátt við ýmsar aðstæður í almennum samskiptum
tileinka sér aðalatriðin í frásögnum í fjöl- og myndmiðlum
fjalla um atburði, ímyndaða og raunverulega
geta metið eigið vinnuframlag og stöðu
Nota skal fjölbreytt námsmat sem endurspeglar markmið áfangans í öllum færniþáttum í samræmi við evrópsku tungumálamöppuna. Í lok áfangans er skriflegt próf úr efni áfangans sem gildir á móti vinnu og ástundun nemandans á önninni.