Nemendur æfist í notkun mælitækja og geri sér grein fyrir áhrifum mælitækja á virkar rásir. Nemendur vinni verkefni við einfaldar transistorrásir, æfist í mælingum með AVO mæla og sveiflusjár. Nemendur geri sér grein fyrir hvaða áhrif innri viðnám mælitækja hafa á áhrif mælinga. Nemendur læri að setja upp einfaldar rafeindarásir s.s. transistormagnara og aðgerðarmagnara í mismunandi tengingum og geri mælingar til glöggvunar á virkni. Nemendur læri um sveifluvaka og virkni helstu gerða. Nemendur þjálfist í teikningalestri rafeindarása og í notkun hermiforrita. Lögð er áhersla á að nemendur læri að sækja upplýsingar á internetið og nýta þær. Nemendur læri um praktíska notkun rása og hvernig þær nýtast í almennum tækjabúnaði.
Nemandi skal hafa öðlast þekkingu og skilning á:
virkni AVO mæla og sveiflusjá
áhrif mælitækja á virkar rásir
virkni transistorrása
virkni mismunandi tengimáta transistorrása, CE, CB, CC.
virkni rása með aðgerðarmagnara og mismunandi tengimáta.
mikilvægi rétts frágangs á jarðbindingum í smáspennurásum.
Nemandi skal hafa öðlast leikni í að:
prófa rafeindarásir í hermiforriti
yfirfæra rafeindarás af teikningu yfir á tengibretti.
mæla virkar rafeindarásir og draga ályktanir
nota internetið til öflun upplýsinga um rásir og íhluti
Nemandi skal geta hagnýtt þá almennu þekkingu og leikni sem hann hefur aflað sér til að:
hanna einfalda transistorrás í stað bilaðrar rásar.
hanna einfalda transistorrás inn í stærra kerfi með skilyrta hegðun.
mæla og bilanagreina virka rafeindarás
Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá VMA.