Matartæknir matreiðir algengan heimilismat, hátíðarmat og sérfæði og setur saman matseðla með hliðsjón af þörfum einstakra hópa og sérþörfum einstaklinga. Hann starfar á heilbrigðisstofnunum og í mötuneytum og sinnir stjórnun í eldhúsum heilbrigðisstofnana. Hann ber ábyrgð á útkomu vinnu sinnar gagnvart viðskiptavinum. Matartæknir vinnur með hreinsiefni sem notuð eru í stóreldhúsum og mötuneytum við hreinsun m.a. tækja og áhalda og hefur eftirlit með slíkum þrifum í samræmi við gildandi staðla og reglur um hreinlæti. Hann starfar í samræmi við almennar siðareglur.
Nemandi skal hafa öðlast þekkingu og skilning á:
þörfum einstakra hópa, m.a barna, aldraðra og sjúklinga með ólíka sjúkdóma og þarfir fyrir sérfæði, einnig aðila sem fara óhefðbundar leiðir í fæðuvali
fæðuofnæmi og fæðuóþoli
siðareglum, s.s. um virðingu fyrir faginu, hráefni og nýtingu þess
öryggisreglum sem gilda um innra eftirlit í eldhúsum hvað varðar viðmiðunarmörk, s.s. um hitastigsmörk og hreinlæti og vinnureglum um rekjanleikja
vöru og þjónustu og afgreiðslu á vörum og þjónustu
Nemandi skal hafa öðlast leikni í að:
útfæra almennt fæði yfir í sérfæði fyrir hópa
reikna út hollustu- og næringargildi helstu framleiðsluvara og aðlaga matarskammta
neysluþörfum markhópa og einstaklinga
setja saman matseðla
dúka borð
útbúa rétti til framreiðslu
gera pöntunar- og verkefnalista
nota handverkfæri til skurða og meðferð á grænmeti, fisk og kjöti
þrífa og sótthreinsa húsnæði, tæki og áhöld
nota íðorð greinarinnar
Nemandi skal geta hagnýtt þá almennu þekkingu og leikni sem hann hefur aflað sér til að:
túlka innihaldslýsingar á matvælum og setja saman innihaldslýsingu á réttum með tilliti til ólíkra þarfa viðskiptavina
taka þátt í faglegum umræðum um matreiðslu á heilbrigðisstofnunum þar sem t.d. þarf að beita sérlausnum við samsetningu matseðla
sýna ábyrga afstöðu til sjálfbærni
leiðbeint um fagleg málefni á íslensku og erlendum tungumálum
Lögð er áhersla á fjölbreytt námsmat með leiðsögn. Námsmatið er í höndum meistara í viðkomandi grein.