Það kom upp villa senda inn  Áfangi

    Áfangi Nánari upplýsingar


    Búið til: 1507022480.96

    Lestur og ritun
    ÍSLE1RO03
    93
    íslenska
    lestur, málnotkun, orðaforði, ritun
    Samþykkt af skóla
    1
    3
    AV
    Áfanginn er ætlaður nemanda sem ekki hefur náð góðum tökum á námsefni íslensku í efri bekkjum grunnskóla. Stefnt er að því að efla sjálfstraust hans og trú á eigin málfærni í ræðu og riti. Áhersla er lögð á að hann bæti lestrartækni, lestrarhraða, lesskilning sinn og öðlist úthald við lestur. Unnið verður með bókmenntatexta jafnt sem ýmsa nytjatexta. Ennfremur fær nemandinn þjálfun í ýmiss konar ritun þar sem reynir á sköpunarhæfni og frumkvæði. Hann fær þjálfun í að nota ýmis hjálpargögn s.s. orðabækur/tölvuorðabækur og yfirlestrarforrit til að bæta og lagfæra eigin texta. Algengasta myndmál og stílbrögð rifjuð upp og unnið með orðaforða með margvíslegu móti til að nemandi auki við orðaforða sinn í ræðu og riti. Nemandinn vinnur og kynnir verkefni sín ýmist einn og/eða með öðrum.
    Áfanginn er ætlaður nemendum sem ekki hafa lokið grunnskóla með fullnægjandi árangri að mati skólans.
    Nemandi skal hafa öðlast þekkingu og skilning á:
    • mikilvægi þess að búa að góðri lestrarfærni, t.d. góðum leshraða, lesskilningi og úthaldi við lestur
    • mismunandi lestraraðferðum, t.d. hraðlestri, nákvæmnislestri og leitarlestri
    • nokkrum tegundum bókmennta- og nytjatexta, s.s. smásögum, blaða- og tímaritsgreinum
    • uppbyggingu ólíkra texta
    • orðaforða sem nýtist í ræðu og riti
    • mikilvægum atriðum sem einkenna góða framsögn og umræður
    • notkun hjálpargagna
    • mikilvægi þess að geta heimilda
    Nemandi skal hafa öðlast leikni í að:
    • lesa sér til gagns og gamans texta sem gera nokkrar kröfur til lesenda og skilja algengt líkingamál og orðatiltæki
    • nota mismunandi lestraraðferðir við ólíka texta
    • kynna og lýsa munnlega ýmiss konar efni
    • vinna fjölbreytt verkefni þar sem reynir m.a. á sköpun og frumkvæði
    • nota yfirlestrarforrit og orðabækur til að lagfæra eigin texta
    • taka aðalatriði úr texta og átta sig á meginefni hans
    • leita upplýsinga úr heimildum og nýta á viðeigandi hátt
    Nemandi skal geta hagnýtt þá almennu þekkingu og leikni sem hann hefur aflað sér til að:
    • semja stutta texta af ýmsu tagi með viðeigandi málfari
    • afla sér upplýsinga í ýmsum nytjatextum, s.s. blaða- og tímaritsgreinum
    • auka leshraða og dýpka lesskilning sinn
    • styrkja eigin mál- og ritfærni
    • túlka texta þótt merkingin liggi ekki á yfirborðinu
    • vinna skapandi verkefni, t.d. í tengslum við vinnu með texta
    Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá.