Farið verður yfir helstu þætti sem skipta máli varðandi skipulag, uppbyggingu, samvinnu, samábyrgð og leiðtogastörf meðal jafningja í námi og félagslífi. Einnig þætti eins og stjórnun fjármála, verkefnastjórnun, jafnrétti, kynhlutverk, lýðræðisleg og sjálfstæð vinnubrögð og aðra áhersluþætti í skólastarfinu. Lögð er áhersla á gagnrýna hugsun, félagsfærni, sjálfþekkingu og aðra þætti sem hafa áhrif á samskipti og að styrkleikar hvers og eins fái að njóta sín. Áfanginn er einstaklingsmiðaður því hlutverk hvers nemanda innan nemendahópsins og samfélagsins er mismunandi.
Nemandi skal hafa öðlast þekkingu og skilning á:
samfélagslegum gildum, siðgæði, mannréttindum og jafnrétti
áhrifum fyrirmynda og staðalímynda á eigin ímynd og lífstíl
vinnulagi sem nýtist til undirbúnings fyrir frekara nám og störf
áhrifum eigin hugafars og félagsfærni á samskipti við annað fólk
fjölbreyttum orðaforða til að geta tjáð skoðanir sínar og rökstutt þær í daglegu lífi
þeim þáttum sem tengist því að vera ábyrgur þátttakandi í samfélaginu
Nemandi skal hafa öðlast leikni í að:
tjá sig á skýran og skapandi hátt
skipuleggja einfalt vinnuferli og beita viðeigandi tækni í því sambandi
vinna sjálfstætt að verkefnum
taka þátt í samræðum, færa rök fyrir máli sínu og virða skoðanir annarra
vinna með félags- og samskiptafærni sína
vinna með sjálfsþekkingu sína og styrkleika
framkvæma hugmyndir sínar
beita skapandi hugsun
vinna á sjálfstæðan, ábyrgan og skapandi hátt undir leiðsögn
umgangast umhverfi sitt með sjálfbærni í huga
Nemandi skal geta hagnýtt þá almennu þekkingu og leikni sem hann hefur aflað sér til að:
tjá hugsanir sínar og tilfinningar í rökréttu samhengi
virkja sínu sterkar hliðar sínar á skapandi hátt
geta átt jákvæð og uppbyggileg samskipti og samstarf við annað fólk
sýna lífsgildum, mannréttindum og jafnrétti virðingu
vera virkur og ábyrgur borgari í lýðræðislegu nær- og fjærsamfélagi
gera sér grein fyrir nýjum tækifærum í umhverfinu
tengja þekkingu sína og leikni við starfsumhverfi og daglegt líf