Unnið verður með alla þætti íslenskunnar þar sem grunnþátturinn sjálfbærni verður hafður að leiðarljósi. Notaðar verða aldursmiðaðar bókmenntir sem gefa fjölbreytta sýn á aðstæður og umhverfi ungs fólks. Fjölbreytt verkefni verða nýtt í kennslunni. Áhersla er á að námið verði sjálfbært í þeirri merkingu að það eigi eftir að nýtast nemendum í framtíðinni. Megin áhersla verður á að nemendur viðhaldi og byggi ofan á þann grunn sem þeir búa nú þegar að.
Nemandi skal hafa öðlast þekkingu og skilning á:
hugtakinu sjálfbærni
að hægt er að leita leiða á fjölbreyttan hátt
fjölbreytileika umhverfisins
mikilvægi tjáningar og skynjunar
Nemandi skal hafa öðlast leikni í að:
átta sig á fjölbreytileika samfélagsins og mismunandi menningarheimum
hægt er að nálgast viðfangsefni á fjölbreyttan hátt
hægt er að nýta sér reynslu annarra til að takast á við sambærilegar aðstæður
tjá sig með fjölbreyttum leiðum
taka þátt í umræðum
Nemandi skal geta hagnýtt þá almennu þekkingu og leikni sem hann hefur aflað sér til að:
skilja þá hugsun sem felst í hugtakinu sjálfbærni
virða fjölbreytileika náttúru, umhverfis og fólks
hlusta á sjónarmið annarra af víðsýni
Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá VMA.