Í áfanganum þjálfast nemendur í undirstöðuatriðum leiklistar svo sem í framsögn og tjáningu. Farið verður í uppbyggingu handrita og handritsgerðar fyrir stuttmyndir. Nemendur fá leiðsögn um myndatöku, hljóðupptöku, leikmynd, búninga og klippivinnu.
Nemandi skal hafa öðlast þekkingu og skilning á:
mikilvægi þess að læra texta
mikilvægi hlustunar
að smekkur manna er misjafn
mikilvægi tjáningar og framsagnar
hugtakinu stuttmynd og ferlinu við gerð hennar
tæknivinnu að baki stuttmynd t.d. handritsgerð
geta upplifað fordómalaust t.d. tóndæmi, leikverk og kvikmyndir
geta tekið þátt í umræðum, myndað sér skoðun og tjáð hana
Nemandi skal hafa öðlast leikni í að:
koma skoðunum sínum á framfæri og taka þátt í umræðum
nýta sér styrkleik sína
tjá sig frjálst eða eftir leikstjórn
skrifa handrit
meðhöndla stafræna tökuvél, myndavél eða spjaldtölvur
ná tökum á klippiforriti og gera stuttmynd
Nemandi skal geta hagnýtt þá almennu þekkingu og leikni sem hann hefur aflað sér til að:
geta nýtt sér fjölbreytta miðla til að nálgast efni
leika á sannfærandi hátt
vinna í teymi og átta sig á mikilvægi skipulagðra vinnubragða
gera sér grein fyrir mikilvægi skapandi hugsunar
vinna stuttmynd og tjá sig í gegnum hana
Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá VMA.