Íslenska með áherslu á lestur og málskilning í víðu samhengi
ÍSLE1LO04(AV)
115
íslenska
Lestur og orðaforði
Samþykkt af skóla
1
4
AV
Unnið verður markvisst að því að þjálfa lestur í víðu samhengi, bæta lesskilning og skilning á orðtökum, myndmáli og líkamstjáningu. Jafnframt að efla málskilning, málnotkun, hlustun, tjáningu, samræður og ritun. Nemendur lesa fjölbreyttan texta og horfa á kvikmyndir og leikrit.
Nemendur þurfa að ráða yfir einhverri/nokkurri lestrargetu
Nemandi skal hafa öðlast þekkingu og skilning á:
mismunandi tjáningarmáta og túlkunaraðferðum
auknum orðaforða til daglegrar notkunar
mikilvægi þess að hafa góðan lesskilning, ekki bara á ritmáli
Nemandi skal hafa öðlast leikni í að:
átta sig á mismunandi túlkunaraðferðum
beita virkri hlustun og ná bæði aðal- og aukaatriðum
gagnrýna á uppbyggilegan hátt
koma skoðunum sínum á framfæri
Nemandi skal geta hagnýtt þá almennu þekkingu og leikni sem hann hefur aflað sér til að:
geta lesið og hlustað sér til gagns og ánægju
tekið þátt í samræðum og rökræðum
hlustað á og virt sjónarmið annarra
lagt mat á eigin frammistöðu (sjálfsmat)
Í áfanganum er viðhaft leiðsagnarmat með símati alla önnina. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá VMA.