Helstu markmið áfangans eru að nemendur kynnist fyrirbærum sem eðlis- og efnafræðin fást við, lögmálum
sem þau hlíta og geti yfirfært þekkingu sína á þessum greinum á umhverfi sitt og umhverfisþætti. Einnig að
þjálfa nemendur í vinnubrögðum sem einkenna vísindalegar rannsóknir.
Nemandi skal hafa öðlast þekkingu og skilning á:
vísindum og vísindagreinum
hraða, hröðun, krafti og massa, orku, þrýstingi, vinnu og afli
orkubúskap jarðar
orkuframleiðslu
orkubylgjum og rafsegulrófinu
hamskiptum og hamskiptaorku
umhverfisáhrifum og loftslagsbreytingum
helstu frumefnum og efnasamböndum
lotukerfinu og þeim hugtökum sem tengjast því
efnahvörfum og efnatengjum
sýrustigi
Nemandi skal hafa öðlast leikni í að:
nota einingakerfið
nota forskeyti
nota einfaldar formúlur og leysa úr þeim
fara eftir fyrirmælum við gerð tilrauna
nota lotukerfið
Nemandi skal geta hagnýtt þá almennu þekkingu og leikni sem hann hefur aflað sér til að:
geta unnið með mælieiningar og notað forskeyti
leysa einföld eðlisfræðidæmi tengd hreyfingu og krafti
teiknað einfalda mynd af atómi og geta raðað öreindum á rétta staði
stilla efnajöfnur
geta yfirfært þekkingu sína á daglegt líf
Áfanganum er skipt í tvær lotur, eðlis- og efnafræðilotu. Námsmatið er í formi símats þar sem nemendur skila vinnubók, gera tilraunir og taka hlutapróf. Nánari lýsingu á námsmati er að finna í námsáætlun áfangans.