Áfanginn miðar að því að nemendur læri að greina og meðhöndla hljóma, ritaða og eftir heyrn, og að þeir þjálfist í meðhöndlun þeirra og virkni. Áhersla er lögð á hlustun og greiningu í tónheyrn er tekur mið af rytmískir hljómfræði, ásamt sértækri nálgun á hljómfræðilega þætti námsins. Áfram verður unnið með undirstöðuatriði rytmískrar tónfræði, hljómfræði og tónheyrn og unnið með ýmiskonar tóndæmi frá mismunandi tónlistarmönnum og tímabilum. Nemendur skulu hafa orðaforða og skilning til að geta tjáð sig um námsefnið í ræðu og riti. Áhersla er lögð á að nemendur þjálfi sjálfstæð vinnubrögð og tileinki sér árangursríka námstækni þar sem þeir nýta þau hjálpargögn sem aðgengileg eru með forritum, á vef eða í bókum.
Nemandi skal hafa öðlast þekkingu og skilning á:
helstu rytmísku tónstigum og hljómum
orðaforða í tengslum við efni áfangans
tengslum hljómfræðinnar við hljóðfæraleik/söng og tónsmíðar
mismunandi notkun rytmískra hljóma eftir tónlistarmönnum og tímabilum
Nemandi skal hafa öðlast leikni í að:
nota rytmíska tónstiga og hljóma í samleik og spuna eftir því sem við á
tjá sig með skýrum hætti í ræðu og riti um viðfangsefni áfangans
beita viðeigandi hjálpargögnum við hljóðfæraleik/söng og tónsköpun
Nemandi skal geta hagnýtt þá almennu þekkingu og leikni sem hann hefur aflað sér til að:
hljómgreina algeng lög og verkefni
nýta sér margvíslega rytmíska hljóma og tónstiga á mimunandi hátt
greina samhengi tónstiga og hljóma
útfæra undirspil og spuna á hljóðfæri sitt
semja eigin tónsmíðar og sóló
Námsmat er tilgreint í kennsluáætlun og samræmist skólanámskrá.