Áfanginn er verklegur og einstaklingsmiðaður þar sem nemandi sækir einkatíma í hljóðfæraleik og meðleik, þar sem það á við. Nemandi vinnur með fjölbreytt verkefni, lærir um mun á ólíkum stílum rytmískrar tónlistar og þjálfast í tækni, líkamsbeitingu og spuna. Nemendur þjálfast líka í að spila með öðrum, í nótna-og hljómalestri og hvað það er að vera leiðandi í tónlistarflutningi. Áhersla er lögð á að nemendur þjálfi sjálfstæð vinnubrögð og tileinki sér árangursríka námstækni.
Miðpróf á hljóðfæri eða sambærilegt nám.
Nemandi skal hafa öðlast þekkingu og skilning á:
Þeirri tækni sem þarf til að leika á hljóðfærið þau verkefni sem lögð eru fyrir í áfanganum
Ólíkum stílbrigðum innan rytmískrar tónlistar
Mikilvægi góðrar samvinnu við meðleikara
Sögulegu samhengi verkanna sem unnið er með í áfanganum
Vinnubrögðum við að fullvinna verk með meðleikara
Nemandi skal hafa öðlast leikni í að:
Leika/syngja verk í mismunandi stílum rytmískrar tónlistar
Nýta tæknilega kunnáttu sína sem best í flutningi
Lesa nótur frá blaði sem hæfa áfanganum
Geta spunnið yfir hljómagang sem hæfir áfanganum
Beita líkama sem eðlilegast við flutning tónlistar
Nemandi skal geta hagnýtt þá almennu þekkingu og leikni sem hann hefur aflað sér til að:
Geta greint ólíka stíla rytmískrar tónlistar
Sýna frumkvæði í hljóðfæratímum, í samspili og við heimanám
Leika verkefni áfangans á sannfærandi hátt
Fullvinna tónverk með meðleikara eða í samspili
Flytja tónlist með öðrum hljóðfæraleikurum
Námsmat er tilgreint í kennsluáætlun og samræmist skólanámskrá