Áfanginn er hugsaður fyrir þá nemendur á félags- og hugvísindabrautum sem hafa lokið grunnáfanganum EFNA1FH03 og vilja læra meira í efnafræði eða hugsa sér að fara í nám þar sem nauðsynlegt er að taka meiri efnafræði. Helstu efnisþættir eru:
• Mólreikningar, hugtakið mól, tala Avogardos
• Efnajöfnur og hlutföll
• Lausnir, styrkur, fellingar
• Rafeindaskipan
• Efnatengi, jóna-, samgild-, málm- og skautuð
tengi
• Efnahvörf, sýrur og basar, oxun-afoxun
• Lífræn efnafræði, grunnur að lífræna
nafnakerfinu.
EFNA2AE05
Nemandi skal hafa öðlast þekkingu og skilning á:
grunnhugtökum í almennri efnafræði s.s. hugtakinu mól og vita hver tala Avogadrosar er
helstu efnahvörfum s.s. oxun-afoxun og sýru/basa hvörfum
hugtökum sem eru tengd sýru/basa hvörfum svo sem pH og títrun
nokkrum aðferðum til að efnagreina
lausnum, botnfalli, þynningu og mettun
muninum á jóna-, samgildum-, málm- og skautuðum tengjum
því sem einkennir lífræn efni, helstu flokkum þeirra og grunnhugtökum í nafnakerfi lífrænna efna
Nemandi skal hafa öðlast leikni í að:
stilla efnajöfnur og ákvarða efnismagn út frá þeim og geta framkvæmt magnbundna útreikninga
reikna hefðbundin móldæmi, þar með talinn mólstyrk í lausnum
reikna hlutföll lausna, styrk og magn í fellingahvörfum
skera úr um hvernig efnatengi frumefni mynda og í hvaða hlutföllum þau mynda efnasambönd
skrifa rafeindaskipan frumefna og skilji fræðin að baki
Nemandi skal geta hagnýtt þá almennu þekkingu og leikni sem hann hefur aflað sér til að:
auka þekkingu sína á efnafræði og tengja hana við daglegt líf og umhverfi
stilla upp efnajöfnum og vinna með þær í verklegum æfingum og við lausn verkefna
framkvæma verklegar æfingar samkvæmt vinnuseðli, s.s. títrun
geta skrifað rétt uppsetta skýrslu.
Um er að ræða símatsáfanga þar sem gert er ráð fyrir að nemendur taki virkan þátt í öllu sem gert er, einnig námsmati. Nemendur meta eigin vinnu og hinna nemendanna. Kennari sér um að skrá jafn óðum og í lok áfangans dregur hann saman heildarárangur í áfanganum. Það sem kemur til einkunnar eru t. d. kynningar, hópverkefni, veggmyndir og verklegar æfingar auk þess munu ástundun, mæting og vinnubók vega um 15%.