Nemanda eru kynntar allar öryggsikröfur á vinnustað og mikilvægt er að hann skilji mikilvægi þeirra. Honum skal gerð grein fyrir þeim hættum sem geta verið samfara vinnu við rafmagn. Nemandi skal læra meðhöndlun og beitingu allra handverkfæra sem nota þarf við rafvirkjastörf. Mikilvægt er vinnubrögð hans séu fagmannleg frá upphafi. Hann á að geta unnið sem aðstoðarmaður rafvirkja og geta framkvæmt einfaldar tengingar. Gott er leyfa nemandanum að byrja á einföldum verkþáttum og bæta svo í eftir því sem hæfni hans eykst.
Nemandi skal hafa lokið að lágmarki 2 önnum í grunndeild rafiðna.
Nemandi skal hafa öðlast þekkingu og skilning á:
öryggiskröfum og öryggi á vinnustað
mikilvægi fagmannlegra vinnubragða og vandvirkni
Nemandi skal hafa öðlast leikni í að:
meðhöndla og beita handverkfærum sem þarf að nota við rafvirkjastörf
leggja og tengja raflagnir á fagmannlegan hátt
vinna í hópi iðnaðarmanna að sameiginlegu markmiði
Nemandi skal geta hagnýtt þá almennu þekkingu og leikni sem hann hefur aflað sér til að:
vinna eftir fyrirmælum sem aðstoðarmaður rafvirkja við allar almennar raflagnir
Lögð er áhersla á fjölbreytt námsmat með leiðsögn. Námsmatið er í höndum meistara í viðkomandi grein.