Nemendur kynnast framleiðsluferlum fiskafurða frá afla til afurða, afurðanýtingu og tengslum gæða og markaða. Þeir kynnast hráefninu, mismunandi vinnsluaðferðum og nauðsynlegu hreinlæti með samblandi af vettvangsheimsóknum og bóklegu námi. Þeir kynnast hugmyndum um og læra að gera greinarmun á heilsusamlegu og heilsuspillandi náms- og starfsumhverfi og hugi að áhrifum þess á eigin heilsu og starfsánægju. Hugmyndafræði sjálfbærni fiskistofna er kynnt.
Nemandi skal hafa öðlast þekkingu og skilning á:
helstu tegundum nytjafiska
mismunandi vinnsluaðferðum
afurðanýtingu
tengslum gæða og markaða
nauðsynlegu hreinlæti í fiskvinnslu
mikilvægi heilsusamlegs starfsumhverfis
Nemandi skal hafa öðlast leikni í að:
greina milli helstu tegunda nytjafiska
blóðga, slægja og ganga frá fisk til geymslu
skilja áhrif gæða og markaðar á fiskverð
fylgja verklagsreglum varðandi hreinlæti og þrif
greina hvort starfsumhverfi sé heilsusamlegt
Nemandi skal geta hagnýtt þá almennu þekkingu og leikni sem hann hefur aflað sér til að:
vinna í fiskvinnslu
skilgreina og útskýra tengsl meðferðar hráefnis, gæða og markaðshæfni afurða
taka ábyrga afstöðu til hreinlætis og umgengni í fiskvinnslu
vera vakandi fyrir umhverfi sínu og leggja sitt að mörkum til úrbóta, sjálfum sér, samstarfsfólki og fyrirtæki til hagsbóta
Í áfanganum er viðhaft leiðsagnarmat með símati alla önnina. Öll verkefni gilda til einkunnar og þess vegna er það mikilvægt að nemendur stundi námið reglulega.