Fjallað er um hönnun og smíði fiskvinnsluvéla. Lögð er áhersla á skilning á vinnslumáta, takmörkunum og viðhaldskröfum vélanna. Nemendur læra að lýsa öllum föstum og hreyfanlegum vélhlutum, hlutverki þeirra, virkni, viðhaldsþörf og eftirliti. Einnig er farið yfir þær öryggiskröfur sem settar eru við vinnu, viðhald og þrif. Nemendur þjálfast í viðhaldi og þrifum véla ásamt eftirliti með gæðum afurða og stillingu í ljósi þeirra. Einnig í notkun handbóka, skráningu viðhaldsbóka og skráningu varahlutalagers.
Nemandi skal hafa öðlast þekkingu og skilning á:
hlutverki fiskvinnsluvéla, ferli hráefnis og afurða
uppbyggingu fiskvinnsluvéla, föstum og hreyfanlegum vélhlutum, viðhaldi og eftirliti með þeim ásamt færslu viðhaldsdagbókar
öllum helstu gerðum fiskvinnsluvéla og kerfa í notkun hérlendis og einkennum mismunandi tegunda fisks með tilliti til vinnslu í vélunum
kröfum um gæði afurða úr vélum og gæðaviðmið ásamt eftirliti með afurðagæðum
Nemandi skal hafa öðlast leikni í að:
flokka, vista og varðveita öll gögn sem snúa að ábyrgðarsviði hans
stilla vélar í samræmi við árituð afköst og gæði
bera ábyrgð á öryggismálum véla og annast daglegt viðhald þeirra og sjá um að reglubundið stoppviðhald sé framkvæmt í samræmi við viðhaldsáætlun og fyrirmæli framleiðanda
sjá um þrif véla
Nemandi skal geta hagnýtt þá almennu þekkingu og leikni sem hann hefur aflað sér til að:
annast rekstur, viðhald og þrif fiskvinnsluvéla
annast eftirlit með gæðum afurða og stillingu véla í ljósi þeirra
taka ábyrgð á öryggismálum og annast daglegt viðhald og sjá til þess að reglulegu stoppviðhaldi sé sinnt í samræmi við viðhaldsáætlun
Í áfanganum er viðhaft leiðsagnarmat með símati alla önnina. Öll verkefni gilda til einkunnar og þess vegna er það mikilvægt að nemendur stundi námið reglulega.