Í áfanganum er lögð áhersla á að nemendur þekki gæðakerfið HACCP og mikilvægi og tilgang þess að gæðakerfi séu til staðar í matvælavinnslu, með áherslu á fiskvinnslu. Farið verður yfir helstu áhættuþætti í fiskvinnslu, forvarnir, geymsluþol og fleira því tengt. Nemendur þjálfast í að setja upp kerfi, innleiða það og meta virkni þess.
Nemandi skal hafa öðlast þekkingu og skilning á:
hugmyndafræði að baki HACCP gæðakerfinu
helstu áhættuþáttum í fiskvinnslu
fyrirbyggjandi ráðstöfunum gegn áhættu
uppsetningu gæðahandbókar og notkun hennar
hættugreiningu í framleiðslu fiskafurða almennt
Nemandi skal hafa öðlast leikni í að:
lágmarka áhættu með fyrirbyggjandi aðgerðum
taka þátt í að byggja upp HACCP gæðakerfi
bera kennsl á áhættuþætti
skilja og geta tekið þátt í umfjöllum um HACCP gæðakerfi
Nemandi skal geta hagnýtt þá almennu þekkingu og leikni sem hann hefur aflað sér til að:
skilja eðli gæðakerfa og vera meðvitaður um tilgang þeirra og nauðsyn
vera meðvitaður um tengsl gæða og velgengni afurða og fyritækis á mörkuðum
greina ábyrgð sína sem starfsmaður fyrirtækis í matvælavinnslu og starfa í samræmi við hana
taka þátt í umræðu um gæðakerfi og tilgang þeirra í fiskvinnslu
útskýra uppsetningu gæðahandbókar og notkun hennar
taka þátt í að setja upp gæðakerfi, innleiða það á vinnustað og meta virkni þess
Í áfanganum er viðhaft leiðsagnarmat með símati alla önnina. Öll verkefni gilda til einkunnar og þess vegna er það mikilvægt að nemendur stundi námið reglulega.