Í áfanganum er lögð áhersla á að nemendur kynnist helstu þáttum er varða íslenskan sjávarútveg. Viðfangsefnin eru fjölbreytt, s.s.saga sjávarútvegs á Íslandi, lagaumhverfi, verðmætasköpun, tæknilegar nýjungar, skipaflotinn, veiðarfæri og helstu stofnanir sem tengjast sjávarútvegi og nýtingu sjávarafurða. Fiskveiðistjórnun, veiðiheimildir, auðlindanýting og hafrannsóknir eru skoðaðar og er áfanganum ætlað að vekja nemendur til umhugsunar um sjávarútveg og gildi hans fyrir íslensku þjóðina.
Nemandi skal hafa öðlast þekkingu og skilning á:
starfsumhverfi sínu
þróun sjávarútvegs á Íslandi
samhengi hafrannsókna og veiðiheimilda
mikilvægi sjávarútvegs fyrir íslensku þjóðina
viðskiptum með sjávarafurðir
helstu stofnunum sem tengjast sjávarútvegi
Nemandi skal hafa öðlast leikni í að:
lesa og skilja umfjöllun um helstu viðfangsefni áfangans
taka þátt í umræðum um viðfangsefni áfangans
Nemandi skal geta hagnýtt þá almennu þekkingu og leikni sem hann hefur aflað sér til að:
hafa skoðun á málefnum er varða sjávarútveginn á Íslandi og taka þátt í umræðum
skilja umhverfi sjávarútvegs á Íslandi og getað sagt frá því
skilja tengingu milli sjávarútvegs og helstu stofnana sem tengjast honum
skilja umræðu um auðlindanýtingu, hafrannsóknir og veiðiheimildir
átta sig á tengslum viðfangsefna áfangans við aðra þætti samfélagsins
Í áfanganum er viðhaft leiðsagnarmat með símati alla önnina. Öll verkefni gilda til einkunnar og þess vegna er það mikilvægt að nemendur stundi námið reglulega.