Markmið áfangans er að nemendur örvi og vinni með sköpunarkraft sinn og treysti sér til að kasta sér út í ný verkefni þar sem útkoma er ekki fyrir fram gefin. Nemendur vinna fjölbreytt verkefni út frá fyrirmælum kennara með áherslu á samskipti og samvinnu. Einnig æfast nemendur í að kynna verkefni sín fyrir samnemendum og rýna til gagns. Grunnatriði við skipulagningu verkefna og viðskiptaáætlunargerð, svo sem verkáætlun, kostnaðaráætlun, skilgreining markhóps og markaðssetning eru þjálfuð. Nemendur læra að skipuleggja sig sem hópur og komast að niðurstöðu í gegnum samræðu og samvinnu.
Frumkvöðlafræði á 1. þrepi
Nemandi skal hafa öðlast þekkingu og skilning á:
hugarflæði við hugmyndavinnu
mikilvægi skilgreiningar á hugmynd og verkefni
mikilvægi skipulags varðandi gerð viðskiptaáætlunar
gildi þess að hugsa í lausnum
Nemandi skal hafa öðlast leikni í að:
gera viðskiptaáætlun
hópastarf þar sem gagnkvæm virðing og jákvæð samskipti einkenna samvinnu
kynna eigin hugmyndir og verkefni
færa rök fyrir úrlausnum og ákvörðum sínum í verkefnavinnunni
Nemandi skal geta hagnýtt þá almennu þekkingu og leikni sem hann hefur aflað sér til að:
hugsa lausnarmiðað
gera viðskiptaáætlun sem hentar hugmynd
skipuleggja hópastarf þannig að kraftar hvers og eins nýtist til fulls
kynna hugmyndir sínar, rökstyðja ákvarðanir og svara fyrir þær
Í áfanganum er viðhaft leiðsagnarmat með símati alla önnina. Öll verkefni gilda til einkunnar og þess vegna er það mikilvægt að nemendur stundi námið reglulega.