Áfanginn fjallar um gæðastjórnun og verkferla tengda henni. Nemendur skoða lög og reglugerðir og kynnast ISO-22000 staðlinum. Fjallað er um það hvað HACCP kerfið er og hvernig það er sett upp. Hlutverk gæðahandbókar sem stjórntækis er kynnt og hvernig unnið er með hana. Nemendur kynnast ferlagreiningu og læra að bera kennsl á vandamál sem upp geta komið og hvernig hægt er að leysa þau. Einnig þjálfast nemendur í að meta ferskan fisk og flokka hann eftir gæðum.
HACCP Gæðakerfi
Nemandi skal hafa öðlast þekkingu og skilning á:
Haccp kerfinu
gæðahandbókagerð
ferlagreiningu
gæðamati
Nemandi skal hafa öðlast leikni í að:
vinna með eigið gæðagerfi, innri úttektir og gerð gátlista
setja upp gæðahandbók og vinna með hana
greina ferla vel til að meta hvort árangur náist með breytingum
meta ferskan fisk og flokka eftir gæðum
líta eftir þeim einkennum á heilum fiski sem gefa vísbendingar um ferskleika
Nemandi skal geta hagnýtt þá almennu þekkingu og leikni sem hann hefur aflað sér til að:
setja upp og vinna með gæðakerfi
setja upp gæðahandbók og vinna skilvirkt með hana
geta sagt frá gæðakerfum og útskýrt nauðsyn þeirra
meta ferskan fisk og flokka hann eftir gæðum
greina vandamál fyrirtækja og koma auga á mögulegar lausnir og í framhaldinu gera úrbætur á gæðahandbók fyrirtækis
Í áfanganum er viðhaft leiðsagnarmat með símati alla önnina. Öll verkefni gilda til einkunnar og þess vegna er það mikilvægt að nemendur stundi námið reglulega.