Í áfanganum er fjallað um heildi allra helstu falla. Farið er yfir heildunaraðferðir á margfeldi falla og á samsettum föllum. Fjallað er um hvernig rúmmál hluta er reiknað með heildun. Jafnframt er farið yfir fyrsta stigs línulegar deildarjöfnur og lausnaraðferðir á þeim.
STÆR3DF05(31)
Nemandi skal hafa öðlast þekkingu og skilning á:
heildun venjulegra falla og tengslum heildunar og deildunar
heildun margfeldis falla
heildun samsettra falla
notkun heildunar við að finna rúmmál hluta
lausnaraðferðum á línulegum deildarjöfnum.
Nemandi skal hafa öðlast leikni í að:
heilda allar helstu gerðir falla
beita reglum um heildun margfeldis falla og samsettra falla
reikna rúmmál hluta
leysa línulegar deildarjöfnur.
Nemandi skal geta hagnýtt þá almennu þekkingu og leikni sem hann hefur aflað sér til að:
skrá lausnir sínar og vinna á skipulegan hátt ...sem er metið með... verkefnum/prófum
útskýra hugmyndir sínar og verk ...sem er metið með... verkefnum/prófum
fylgja fyrirmælum sem gefin eru ...sem er metið með... verkefnum/prófum
lesa úr stærðfræðilegum upplýsingum ...sem er metið með... verkefnum/prófum
beita skipulegum aðferðum við lausn verkefna sem tengjast námsefninu ...sem er metið með... verkefnum/prófum.
Í áfanganum er gert ráð fyrir leiðsagnarmati sem byggir á því að nemandinn fái með reglulegum og skipulegum hætti upplýsingar um hvernig hann stendur í náminu. Námsmat byggist á verkefnum sem nemendur vinna í kennslustundum og utan þeirra, skriflegum prófum sem lögð eru fyrir nemendur, bæði kaflaprófum yfir önnina og yfirlitsprófi í lok hennar, auk virkni nemenda í kennslustundum.