Í þessum áfanga er fjallað um fjölmiðlalæsi frá ýmsum sjónarhornum. Fengist verður við falsfréttir, birtingarmyndir kynja í fjölmiðlum, ábyrga nethegðun, gagnrýna hugsun o.fl. Nemendum er ætlað að læra að bera kennsl á áreiðanleika heimilda og skoða hlutverk og ábyrgð fjölmiðla í nútíma samfélagi.
Námið byggist á hugmyndafræði persónumenntar og því er ætlað að efla gagnrýna hugsun, sjálfsþekkingu, heilbrigðan lífsstíl, stærðfræði- og tungumálakunnáttu. Verkefnum er haldið til haga fyrir raunfærnimat á áframhaldandi námi.
Nemandi skal hafa öðlast þekkingu og skilning á:
áhrifamætti fjölmiðla
gildi ábyrgrar nethegðunar
hlutverki og ábyrgð fjölmiðla í nútíma samfélagi
Nemandi skal hafa öðlast leikni í að:
skoða áreiðanleika heimilda
stunda ábyrga nethegðun
koma auga á skekkjur í fjölmiðlum
Nemandi skal geta hagnýtt þá almennu þekkingu og leikni sem hann hefur aflað sér til að:
meta áreiðanleika heimilda
koma auga á mismunandi birtingarmyndir kynja í fjölmiðlum
bera kennsl á falsfréttir í fjölmiðlum
Leiðsagnarmat. Áhersla á umsagnir sem leiða nemandann áfram.