Nemendur móta grímu af sjálfum sér í áfanganum og vinna með hana á ólíka vegu. Samhliða því er farið yfir mótun sjálfsins, tilfinningar og ýmis félagssálfræðileg mál svo sem samskipti, félagslegan þrýsting og hóphegðun. Mismunandi tilfinningar verða skoðaðar út frá sálfræði og líffræði. Einnig verður fjallað um áhrif ólíkra uppeldisaðferða og félagsmótun. Námið byggist á hugmyndafræði persónumenntar og því er ætlað að efla gagnrýna hugsun, sjálfsþekkingu, heilbrigðan lífsstíl, stærðfræði- og tungumálakunnáttu. Verkefnum er haldið til haga fyrir raunfærnimat á áframhaldandi námi.
Nemandi skal hafa öðlast þekkingu og skilning á:
sálfræðilegum og líffræðilegum hliðum tilfinningalífs
félagsmótun og áhrifaþáttum
mismunandi uppeldisaðferðum og áhrifum þeirra
ferli listsköpunar
eiginleikum efna í listsköpun
Nemandi skal hafa öðlast leikni í að:
nota hugtök er varða félagsfræði, sálfræði og uppeldisfræði
vinna við listsköpun, allt frá hugmynd að fullunnu verki
skapa sínar eigin grímur
vinna með tilfinningar í gegnum listsköpun
Nemandi skal geta hagnýtt þá almennu þekkingu og leikni sem hann hefur aflað sér til að:
setja sig í spor annarra
þroska færni sína og skilning á tilfinningum í daglegu lífi
átta sig á áhrifum ólíkra uppeldisaðferða við félagsmótun
vinna eigin hugmyndir á persónulegan hátt
Leiðsagnarmat. Áhersla á umsagnir sem leiða nemandann áfram.