Þessi áfangi er valáfangi á náttúrufræði- og raugreinabrautum. Í áfanganum er lögð áhersla á lestur vísindatengdra greina og orðaforði aukinn markvisst. Sérstök áhersla er lögð á akademískan orðaforða sem tengist vísindum og tækni með fjölbreyttum orðaforðaæfingum, munnlegum verkefnum og ritunarverkefnum. Nemendur fá þjálfun í orðmyndun og uppruni orða er skoðaður.
ENSK3NV04
Nemandi skal hafa öðlast þekkingu og skilning á:
orðaforða sem nauðsynlegur er til að mæta hæfniviðmiðum þrepsins þ.m.t. orðasamböndum og þverfaglegum orðaforða
þverfaglegum orðaforða sem gerir honum kleift að tileinka sér með góðu móti lesefni í áframhaldandi námi og/eða starfi
mismunandi málsniðum og geta beitt formlegu máli á lipran hátt t.d. í skýrslum og ritgerðum
Nemandi skal hafa öðlast leikni í að:
lesa sér til ánægju eða upplýsingar texta sem gera miklar kröfur til lesandans, ýmist hvað varðar orðaforða eða uppbyggingu
lesa margskonar gerðir texta, ekki síst fræðitexta, og beita þeim lestraraðferðum sem við eiga eftir því hverrar gerðar textinn er
nota tungumálið á sveigjanlegan og árangursríkan hátt í samræðum
geta tjáð sig af öryggi um margvísleg málefni, bæði almenn og persónuleg
Nemandi skal geta hagnýtt þá almennu þekkingu og leikni sem hann hefur aflað sér til að:
skilja án vandkvæða megininntak erinda og rökræðna, jafnvel um tiltölulega flókið efni ef hann þekkir vel til þess
lesa texta þar sem ákveðin viðhorf eða skoðanir eru kynnt, átta sig á tilgangi og afstöðu textahöfundar og bregðast við eða tjá skoðanir sínar munnlega eða skriflega um efni þeirra
taka þátt í skoðanaskiptum, færa rök fyrir máli sínu og svara mótbárum og gagnrökum á viðeigandi hátt
hagnýta sér fræðitexta og meta heimildir og texta á gagnrýninn hátt
flytja vel uppbyggða frásögn, kynningu eða greinargerð, geta dregið fram aðalatriði og rökstutt mál sitt nokkuð nákvæmlega með dæmum og brugðist við fyrirspurnum
lýsa skýrt og greinilega flóknum hlutum eða ferlum á sviði sem hann þekkir vel
kynna mál sitt á skipulagðan hátt bæði í riti og ræðu og færa rök fyrir máli sínu
Námsmat er tilgreint í kennsluáætlun og samræmist skólanámskrá.