Af hverju fremur fólk afbrot? Hvaða afbrot eru alvarleg? Hvaða áhrif hafa refsingar? Hvað kosta afbrot ríkið? Hvað eru hvítflibbabrot? Hvað eyðum við miklu í að verja okkur gegn glæpum? Eigum við hugsanlega að lögleiða fíkniefni? Hver er stefna Íslendinga í fangelsismálum?
Þessar spurningar ásamt mörgum fleirum verða ræddar í áfanganum, í samhengi við kenningar í afbrotafræði. Fjallað verður um eðli afbrota á Íslandi og viðhorf Íslendinga til afbrota. Ýmsir brotaflokkar verða teknir fyrir, s.s. ofbeldisbrot, vændi, mansal, hvítflibbabrot auk þess sem fjallað verður um vímuefni og fíkniefnalöggjöf. Viðhorf til refsinga og refsiaðferða verður skoðað sem og félagslegt umhverfi fanga. Einnig verður fjallað um íslenska réttarkerfið og það borið saman við réttarkerfi annarra ríkja auk þess sem stuttlega verður komið inn á sakfræði.
Nemandi skal hafa öðlast þekkingu og skilning á:
helstu kenningum afbrotafræðinnar og geti sett umræðu í áfanganum í samhengi við þær
helstu brotaflokkum og eðli þeirra
eðli og gildi refsinga
störfum lögreglunnar og hlutverki hennar
réttarkerfi Íslands og skilji hlutverk dómara og lögfræðinga í því ferli sem fer af stað þegar kæra er tekin fyrir
Nemandi skal hafa öðlast leikni í að:
vinna sjálfstætt
afla sér fræðilegra upplýsinga
verja skoðanir sínar
sýna frumkvæði í hugsun og verki
Nemandi skal geta hagnýtt þá almennu þekkingu og leikni sem hann hefur aflað sér til að:
geta fjallað um ólíkar kenningar
rökrætt á gagnrýninn og faglegan hátt
afla sér fræðilegra upplýsinga og móta sér skoðanir út frá þeim
Námsmat er tilgreint í kennsluáætlun og samræmist skólanámskrá.