Helstu raskanir á geði og persónuleika eru kynntar í áfanganum. Farið er yfir greiningarviðmið, sjúkdómavæðingu og samfélagsbreytingar sem geta ýtt undir raskanir. Persónuleikinn, þróun hans og áhrif áfalla á fólk eru skoðuð svo og jákvæðir þættir sem geta viðhaldið góðri geðheilsu. Hugað er að aðstæðum og atburðum sem hafa afgerandi áhrif á andlega heilsu og lífsgæði manna. Meðferð raskana og möguleg lækning er skoðuð. Mismunandi skýringar á eðli og orsök geðsjúkdóma eru kynntar sem og áhrif vímugjafa á sálarlífið.
Sálfræði eða félagsfræði á öðru þrepi. Enska á öðru þrepi.
Nemandi skal hafa öðlast þekkingu og skilning á:
mikilvægi þess að beita vísindalegum aðferðum við rannsóknir
helstu kenningum um geðsjúkdóma og geðheilbrigði
sértækum hugtökum og kenningum
framlagi greinarinnar til vísinda og samfélags
fræðilegum útskýringum á geðröskunum og persónuleikavandkvæðum
siðferði við rannsóknir
Nemandi skal hafa öðlast leikni í að:
beita helstu grunnhugtökum um geðraskanir
útskýra helstu hugmyndir sem uppi eru um geðheilbrigði
lýsa helstu frávikum varðandi geðheilbrigði
lýsa hefðbundnum stefnum í sálfræði sem tengjast geðheilbrigði
skoða samhengi andlegar heilsu og lífsgæða
nýta fræðilegan texta á íslensku og erlendu tungumáli
lesa í og skilja niðurstöður mikilvægra rannsókna í sálfræði
miðla skýrt og skilmerkilega fræðilegu efni í ræðu og riti
Nemandi skal geta hagnýtt þá almennu þekkingu og leikni sem hann hefur aflað sér til að:
sækja þekkingu úr öðrum greinum til aukins skilnings á viðfangsefninu og yfirfæra þekkingu á aðrar greinar til þess að sjá vísindalegt samhengi
vinna úr rannsóknargögnum og leggja á þau mat
sýna sjálfstæði og ábyrgð í vinnubrögðum
afla, meta og nota heimildir á viðurkenndan hátt
sýna frumkvæði að raunhæfum lausnum
meta eigin frammistöðu og annarra á gagnrýninn hátt
beita skapandi hugsun við lausnamiðað nám
Námsmat er tilgreint í kennsluáætlun og samræmist skólanámskrá.