Efni áfangans er inngangur að nútímaeðlisfræði, en það er sú eðlisfræði sem þróaðist upp úr aldamótunum 1900 og fram eftir 20. öldinni. Fjallað er um takmörkuðu afstæðiskenninguna, upphaf skammtafræði og einföldustu aðferðir hennar, gerð atómsins og kjarneðlisfræði.
EÐLI3RA05 eða EÐLI4A050
Nemandi skal hafa öðlast þekkingu og skilning á:
hugtakinu tregðukerfi og viti hvað felst í afstæðislögmáli Galíleós
forsendum Einsteins fyrir takmörkuðu afstæðiskenningunni og helstu afleiðingum hennar
mikilvægi tilraunar Michelsons og Morleys
hnitajöfnum Lorentz og beitingu þeirra við einfalda útreikninga
sambandi massa og orku samkvæmt afstæðiskenningunni
tilraun Thomsons og uppgötvun rafeindarinnar
svarthlutageislun og lýsingu Plancks á henni
ljóseindakenningu Einsteins og útskýringu hans á ljósröfun
sambandinu milli orku og tíðni ljóseinda
atómkenningu Bohrs og kenningu deBroglies um agnabylgjur
litrófi atóma og fyrstu tilraunum manna til þess að lýsa atóminu
grundvallarhugmyndum skammtafræði
bylgjujöfnu Schrödingers og lausn hennar í einföldustu tilfellunum
óvissulögmáli Heisenbergs
einsetulögmáli Paulis
uppbyggingu lotukerfisins
gerð atómkjarnans og þeim kröftum sem þar eru að verki
geislavirkni atómkjarna
helstu öreindum og grundvallargerð staðallíkansins
Nemandi skal hafa öðlast leikni í að:
beita stærðfræðilegum aðferðum til þess að setja upp og leysa einföld dæmi sem lúta að viðfangsefni áfangans
þekkja grundvallar frumsendur nútímaeðslifræði, og helstu afleiðingar þeirra.
Nemandi skal geta hagnýtt þá almennu þekkingu og leikni sem hann hefur aflað sér til að:
koma frá sér, jafnt í ræðu sem riti, helstu hugmyndum nútímaeðlisfræði með skiljanlegum hætti
lesa sér til gagns fræðilegan texta um eðlisfræði á stigi sem samsvarar grunnstigi háskóla
leysa einföld verkefni þar sem notast þarf við grundvallarhugmyndir nútímaeðlisfræði
Námsmat er tilgreint í kennsluáætlun og samræmist skólanámskrá.