Í áfanganum er megináhersla lögð á hlutverk fjölmiðla sem fjórða valdið. Hlutverk fjölmiðla í samfélagsumræðunni og dagskrárvald þeirra er til umfjöllunar. Fjallað er um fjölmiðla í smáum samfélögum og nálægðarvandann sem þeir glíma við. Rýnt er í hlutverk ritstjórna í fjölmiðlum og þekkt mál í sögu nútímafjölmiðlunar. Nemendur afla sér þekkingar á helstu straumum og vörðum í sögu fjölmiðlunar á Vesturlöndum. Nemendur ræða og taka afstöðu til umfjöllunar miðlanna á álitamálum samfélagsins hverju sinni.
Nemandi skal hafa öðlast þekkingu og skilning á:
hugmyndinni um fjórða valdið og mikilvægi þess í lýðræðisþróun samfélagsins
helstu hugtökum fræðigreinarinnar
eðlismun ritstjórna fjölmiðla í stórum og smáum samfélögum
mótunarafli og áhrifavaldi fjölmiðla í samfélaginu
Nemandi skal hafa öðlast leikni í að:
beita hugtökum sem hann lærir í áfanganum
greina á milli ólíkra ritstjórnastefna s.s. út frá pólitískri stefnu fjölmiðilsins eða eignarhaldi
afla sér gagna úr fjölmiðlum og greina þau
Nemandi skal geta hagnýtt þá almennu þekkingu og leikni sem hann hefur aflað sér til að:
nota fjölmiðla til að greina samfélagslega atburðarás og framvindu mála í samfélaginu
hagnýta sér fjölmiðla með því að þekkja eiginleika þeirra og bakland
beita gagnrýninni hugsun
Námsmat er tilgreint í kennsluáætlun og samræmist skólanámskrá.