Atferli, hugsanir og viðhorf skoðuð í félagslegu samhengi. Fjallað um helstu mótunaráhrif á persónuleika fólks út frá sálfræðilegu sjónarmiði. Ýmsir persónuleikaþættir eru skoðaðir sérstaklega og fjallað um félagslega hegðun og viðhorf fólks í tengslum við samskipti sem hafa mótandi áhrif á persónuleikann. Fjallað er um náin sambönd og samskipti og hugsanleg tengsl milli persónuleikaþátta og veikinda eða hamingju í lífinu. Nemendur fá tækifæri til að skoða sín eigin persónuleikaeinkenni meðal annars með því að taka 16 þátta persónuleikapróf.
SÁLF2IN05 eða áfangi á öðru þrepi í félagsgreinum
Nemandi skal hafa öðlast þekkingu og skilning á:
- persónuleikahugtakinu og helstu mótunaráhrifum á persónuleika fólks - staðalmyndum, fordómum og breytingu á fordómum - aðlöðun og ást, samskiptum og tjáningu - persónuleikaprófum - mismunandi nálgun sálfræðinnar á persónuleika og hegðun fólks bæði í samskiptum við umhverfi sitt og annað fólk - völdum hugtökum og kenningum innan félags- og persónuleikasálfræðinnar - framlagi félags- og persónuleikasálfræðinnar innan sálfræðinnar
Nemandi skal hafa öðlast leikni í að:
- beita almennum aðferðum félagssálfræðinnar - taka sjálfstæða, vel rökstudda afstöðu til álitamála varðandi félagssálfræði, greind og persónuleika - afla upplýsinga, greina þær og setja í fræðilegt samhengi - nýta fræðilegan texta á íslensku - miðla fræðilegu efni skýrt og skilmerkilega í ræðu og riti
Nemandi skal geta hagnýtt þá almennu þekkingu og leikni sem hann hefur aflað sér til að:
- vinna úr rannsóknargögnum og leggja á þau mat - sýna frumkvæði að raunhæfum lausnum - beita skapandi hugsun við lausnamiðað nám - meta eigin frammistöðu og annarra á gagnrýninn hátt - geta tekið þátt í rökræðum um málefni sem tengjast félags- og persónuleikasálfræði
Námsmat er útfært í kennsluáætlun í samræmi við skólanámskrá.