Í áfanganum er lögð áhersla á að nemendur læri um hlutverk þjálfara í íþróttastarfi, sérstaklega við þjálfun barna og unglinga. Nemendur öðlast grundvallarþekkingu á líkamlegum og andlegum þroska barna og unglinga. Gerðar eru verklegar æfingar þar sem farið er í íþróttahús og nemendur æfa sig að kenna hvert öðru. Lögð er áhersla á skipulag þjálfunar, áætlunargerð og markmiðssetningu. Nemendur fá undirsstöðuþekkingu í kennslu og aðferðafræði íþróttaþjálfunar. Farið er yfir efni almennrar skyndihjálpar og sérstök áhersla lögð á að bregðast við íþróttameiðslum. VIð lok áfangast hefur nemandi lokið fræðilegum hluta fyrsta þjálfarastigs ÍSÍ.
Nemandi skal hafa öðlast þekkingu og skilning á:
líkamlegu og andlegu þroskaferli barna og unglinga
hlutverki og ábyrgð þjálfara í íþróttastarfi barna og unglinga
mikilvægi góðs skipulags við þjálfun
grundvallarkennslufræði við þjálfun
beitingu fyrstu hjálpar ef slys ber að höndum
helstu atriðum næringar- og þjálfunarfræða
Nemandi skal hafa öðlast leikni í að:
skipuleggja þjálfun í einstökum tímum og yfir lengra tímabil
að stjórna hópi við ástundum íþróttar
að beita almennri skyndihjálp
að nota teygjubindi og íþróttateip
Nemandi skal geta hagnýtt þá almennu þekkingu og leikni sem hann hefur aflað sér til að:
koma að íþróttaþjálfun barna
framkvæma áætlun sína
bregðast við óvæntum aðstæðum ef slys ber að höndum