Starfsþjálfun matartæknanema á 3. þrepi eru 25 feiningar. Áfanginn er reynslutími nemans á viðurkenndum starfsnámsstað og stendur yfir í 12,5 vikur. Á tímabilinu öðlast nemandinn aukna þekkingu, leikni og hæfni í störfum matartækna undir leiðsögn fagaðila. Í áfanganum æfir nemandinn sig í matreiðslu og framreiðslu á almennu fæði og öllum helstu gerðum sérfæðis, allar máltíðir dagsins, bæði heitar og kaldar.
Kennari, leiðbeinandi og yfirmaður bera sameiginlega ábyrgð á starfsþjálfuninni.
Nemandi skal alfarið fylgja þeim reglum sem viðkomandi starfsnámsstaður setur sínu starfsfólki.
STÞM2MA25
Nemandi skal hafa öðlast þekkingu og skilning á:
vinnuskipulagi eigin vinnu og annarra í litlu eldhúsi (1-2 starfsmaður/-menn), deildarskiptu eldhúsi eða stærra eldhúsi
mikilvægi náinnar samvinnu, hjálpsemi og sameiginlegrar ábyrgðar
verklýsingum fyrir störf í eldhúsinu
undirbúningi og grunnmatreiðslu og að vinna eftir skipulagi vinnustaðar
að undirbúa og matreiða almennt fæði og helstu gerðir sérfæðis
að taka þátt í og skipuleggja skömmtun á mat og fara eftir skammtstærðum staðarins
að setja upp innra eftirliti fyrir vinnustað
að taka þátt í og undirbúa almenna matseðlagerð , fæði með breyttri áferð og sérfæði viðkomandi staðar
að fara eftir mikilvægum ferlum við útsendan mat og gæðastaðla um innra eftirlit, HACCP
að vinna að gæða- og úrbótarverkefnum
Nemandi skal hafa öðlast leikni í að:
undirbúa vinnuskipulag og verklýsingar
setja upp nákvæmar innihaldslýsingar fyrir rétti og matseðla skv. lögum um merkingar matvæla er snýr að helstu ofnæmisvöldum í fæðu
matreiða allt almennt fæði
matreiða sérfæði vinnustaðarins
skammta mat eftir skömmtunarformi vinnustaðar
vinna að úrbóta og gæðaverkefnum
Nemandi skal geta hagnýtt þá almennu þekkingu og leikni sem hann hefur aflað sér til að:
bera ábyrgð á verkferlum og skipulagi við gerð almenns- og sérfæðis á heilbrigðisstofnun, í leik- og grunnskóla, þróunareldhúsi í matvælaframleiðslu sem og í eldhúsi þar sem framleiddar eru máltíðir til sölu í mötuneytum, skólum og flugvélum.
vinna eftir ferlum við útsendan mat og gæðastöðlum um innra eftirlit, HACCP
Lögð er áhersla á fjölbreytt námsmat með leiðsögn. Námsmatið er í höndum meistara í viðkomandi grein.