Nemendur velja sér krefjandi viðfangsefni í lokaverkefni og gefst þannig tækifæri til að tengja fræðilega þekkingu námsins við raunveruleg viðfangsefni. Áfanginn á að efla samstarf og tengsl nemenda við atvinnulífið, þjálfa þá í sjálfstæðum vinnubrögðum og vinna skipulega að framsetningu og kynningu á eigin verkum. Nemendur kynnast ólíkum verksviðum sem gerir þeim mögulegt að sérhæfa sig á því sviði vélfræðinnar sem hugur þeirra stendur til.
Að hafa lokið C réttindum vélstjórnar
Nemandi skal hafa öðlast þekkingu og skilning á:
vinnubrögðum við undirbúning og framkvæmd sjálfstæðrar verkefnavinnu.
að öryggis- og reglugerðarákvæði geti gilt um verk.
skilgreiningu viðfangsefna og markmiðasetningu í sjálfstæðri verkefnavinnu.
miklvægi þess að gera góðar verk- og kostnaðaráætlanir.
mikilvægi þess að gera góðar vinnulýsingar og vinnuteikningar.
Nemandi skal hafa öðlast leikni í að:
útfæra og vinna eftir verkáætlun, vinnulýsingu, teikningum o.s.frv.
velja efni, búnað og aðferðir við hæfi.
framkvæma viðeigandi prófanir og mælingar vegna verkefna.
afla sér viðeigandi upplýsinga og nýta sér leiðsögn og ráðgjöf annarra.
skrifa greinargóða skýrslu um verkefni.
gera öðrum grein fyrir verkefni sínu, kynna það og útskýra einstaka þætti þess.
Nemandi skal geta hagnýtt þá almennu þekkingu og leikni sem hann hefur aflað sér til að:
vinna sjálfstætt að krefjandi verkefnavinnu og skila af sér góðu handverki og greinargóðum upplýsingum um það bæði í ræðu og riti.
Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá.