Meginefni áfangans er þrívíð rúmfræði, með og án hnitakerfis og keilusnið. Fylki og fylkjareikningur. Helstu efnisatriði eru: Þrívíð rúmfræði, margflötungar, vigrar í þrívídd og hnit þeirra, jöfnur og stikaform sléttu, línu og ferla, lausnir á jöfnum, horna- og fjarlægðarreikningar, rúmmálsreikningar og vigurfeldi, keilusnið, jöfnur þeirra og speglunareiginleikar. Helstu reiknireglur fylkja og notkun þeirra.
STÆR3DF05
Nemandi skal hafa öðlast þekkingu og skilning á:
sígildri rúmfræði og tamið sér stærðfræðileg vinnubrögð
keilusniðum og rúmfræðilegum eiginleikum þeirra
vigurreikningi í þrívíðu rúmi
helstu reiknireglum fylkja
Nemandi skal hafa öðlast leikni í að:
meðhöndla punkta, línur og fleti og leysa verkefni í þrívíðri rúmfræði
beita fylkjareikningi
Nemandi skal geta hagnýtt þá almennu þekkingu og leikni sem hann hefur aflað sér til að:
útskýra helstu sannanir sem koma fyrir í námsefni hans
fella stærðfræðileg viðfangsefni inn í þá þekkingu og leikni sem hann býr yfir
teikna skýringarmyndir til að glöggva sig á vandamálum sem fyrir liggja
nýta stærðfræðileg líkön til að fást við aðrar fræðigreinar
skilja og taka þátt í að hanna stærðfræðileg líkön sem sniðin eru að ákveðnum viðfangsefnum
skilja að það sé ekki sjálfsagt að verkefni hafi lausnir, hvorki einföld jafna né stór viðfangsefni
nota fylki til að leysa hagnýt verkefni
Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá.