Áfanganum er ætlað að veita ákveðna innsýn í hvernig læknar og aðrar heilbrigðisstéttir nota lyf til lækninga. Fjallað er um hvernig frumur bregðast við lyfjum og hvaða áhrif lyf hafa á stýrikerfi fruma. Farið er yfir skilgreiningar sem tengjast öllum lyfjum eins og dreifingu þeirra, frásog og útskilnað þeirra ásamt lyfjaformum. Fjallað er um helstu lyfjaflokka, verkun þeirra og aukaverkanir.
EFNA1AA05 og EFNA2AB05
Nemandi skal hafa öðlast þekkingu og skilning á:
helstu skilgreiningum um lyfjafræði
hugtökum eins og lyfjagjöf, frásogi, dreifingu, útskilnaði og aukaverkunum lyfja
helstu lyfjaformum, kostum þeirra og göllum
umgjörð lyfjamála á Íslandi og víðar
verkunarsviði og gerð sýkla- og verkjalyfja auk annarra algengra lyfjaflokka
Nemandi skal hafa öðlast leikni í að:
átta sig á lagaumhverfi lyfjafræðinnar
gera samhæfðri lyfjafræði góð skil
þekkja sérhæfða lyfjafræði algengra lyfjaflokka
Nemandi skal geta hagnýtt þá almennu þekkingu og leikni sem hann hefur aflað sér til að:
sýna skilning á verkun tiltekinna lyfja með tilliti til verkunarmáta þeirra
miðla upplýsingum um helstu lyfjaflokka til annarra
átta sig á tengslum aukaverkana lyfja við verkun þeirra
stunda áframhaldandi nám í lyfjafræði og þeim greinum heilbrigðisvísinda þar sem lyfjafræði kemur við sögu
Námsmat er tilgreint í kennsluáætlun og samræmist skólanámskrá.