Áfanginn er að mestu leyti verklegur og kynnir útivist sem hægt er að stunda. Nemendur kynnast skíðun, snjóbrettun, gerð snjóhúsa, útieldamennsku og fjallamennsku. Mikil áhersla verður lögð á að nemendur verði sjálfstæðir í óbyggðum, geti undirbúið sig eftir aðstæðum, metið aðstæður, t.d. breytt veðurskilyrði, með tilliti til öryggis og tekið skynsamar ákvarðanir varðandi t.d. leiðarval og notkun öryggisbúnaðar og að ganga eftir korti.
Engar
Nemandi skal hafa öðlast þekkingu og skilning á:
útivist þar sem krafist er sérstaks útbúnaðar, td. fyrir gönguferðir, skíðaferðir
náttúru Íslands og góðrar umgengni við hana
Nemandi skal hafa öðlast leikni í að:
leggja mat á aðstæður í óbyggðum
beita þeim sérhæfða búnaði sem notaður er til útivistar
Nemandi skal geta hagnýtt þá almennu þekkingu og leikni sem hann hefur aflað sér til að:
meta aðstæður með tilliti til öryggis og taka skynsamar ákvarðanir í samræmi við þær, sérstaklega ef breytingar verða á aðstæðum eins og t.d. breytt veðurskilyrði eða snjóalög
geta stundað útivist þar sem krafist er sérstaks útbúnaðar, td. fyrir gönguferðir og skíðaferðir
ferðast um óbyggðir Íslands á öruggan og ábyrgan hátt
geta tekið þátt í upplýstri umræðu og rökræðum um málefni er tengjast útivist
vera meðvitaður um umhverfi sitt, hafa lært að njóta þess, virða og nýta á skynsamlegan hátt með sjálfbærni í huga