Áhersla er lögð á að skoða orsök, gang og afleiðingar þeirra átaka sem tekin eru til umfjöllunnar hverju sinni. Auk þess fá nemendur t.d. að kynnast þekktum einstaklingum sem tengjast átökunum, afskiptum og/eða afskiptaleysi helstu stórvelda heims, hvernig átökin hafa birst í fréttum á Íslandi og eftir því sem við á fá nemendur að velta fyrir sér hvaða leiðir eru færar til friðar.
SAGA2FR05/SAGA2NT05
Nemandi skal hafa öðlast þekkingu og skilning á:
hvar viðkomandi átakasvæði eru
hver er sögulegur bakgrunnur átakanna
ólíkum sjónarhornum eftir því sem við á
hvaða öfl eru að verki og hvaðan þau sækja stuðning og fjármagn
hvort Ísland tengist eða hafi tengst viðkomandi átökum á einhvern hátt
helstu atburðum sem tengjast átökunum
afleiðingum átakanna
Nemandi skal hafa öðlast leikni í að:
meta gildi ólíkra heimilda eftir uppruna þeirra
nota fjölbreyttar leiðir til að afla upplýsinga
nota fræðileg vinnubrögð við þekkingaröflun sína
nota fjölbreyttar aðferðir til að miðla þekkingu sinni á efni áfangans
meta átök út frá eigin forsendum og skilningi
lesa fræðilega texta á íslensku og ensku og túlka merkingu þeirra
Nemandi skal geta hagnýtt þá almennu þekkingu og leikni sem hann hefur aflað sér til að:
gera sér grein fyrir afleiðingum átakanna fyrir íbúa þeirra svæða sem tekin eru til umfjöllunnar
átta sig á áhrifum átakanna á alþjóðastjórnmál og samskipti ríkja
geta tekið þátt í skoðanaskptum og rökræðum með samnemendum um efni áfangans
geta beitt gagnrýninni hugsun á markvissan hátt
meta hvaða möguleikar eru á lausn á viðkomandi átökum
Leiðsagnarmat. Fjölbreytt verkefni metin jafnt og þétt yfir önnina. Áhersla á umsagnir sem leiða nemandann áfram í náminu. Engin skrifleg lokapróf.