Kynnt eru grundvallaratriði íslenskrar stjórnskipunar og réttarkerfis. Fjallað verður um grundvallarhugtök og fræðikerfi lögfræðinnar. Fjallað verður um hugtakið réttarheimild og allar helstu tegundir réttarheimilda sem beitt er í íslenskum rétti. Áhersla er lögð á kynningu á almennum lögum með áherslu á lög sem tengjast viðskiptalífinu. Áfanginn miðar að því að gefa nemendum innsýn í umfang löggjafar á þessu sviði.
FJÁR2FL05
Nemandi skal hafa öðlast þekkingu og skilning á:
grundvallaratriðum í sambandi við löggjöf og aðrar réttarheimildir
meginatriðum í íslenskri stjórnskipan
meginreglum í íslensku réttarfari og helstu farvegi mála í gegnum dómstóla og aðrar stofnanir réttarkerfisins
helstu hugtökum sem lúta að réttindum og skyldum þjóðfélagsþegna
almennum reglum sem varða samninga, umboð og aðra löggerninga
lögum um lausafjárkaup og fasteignakaup
helstu lögum og reglum er varða kröfur og skuldbindingar
helstu lögum um réttindi og skyldur á vinnumarkaði
hinum ýmsu rekstrarformum í atvinnurekstri hvað snertir ábyrgð eigenda og fleira
Nemandi skal hafa öðlast leikni í að:
hagnýta sér netið til öflunar upplýsinga
beita þekkingu sinni í að meta forsendur og túlkað niðurstöður dóma vinna sjálfstætt
greina og setja fram rökstudda lausn við lögfræðilegum álitamálum sem sett eru fram í raunhæfum dæmum
skilja notkun ákveðinna lykilhugtaka lögfræðinnar
Nemandi skal geta hagnýtt þá almennu þekkingu og leikni sem hann hefur aflað sér til að:
sýna sjálfstæði í hugsun og vinnubrögðum
útskýra mikilvægi lögfræðinnar fyrir einstaklinga, fyrirtæki og samfélag
nýta sér lögfræðilega þekkingu til lausna í sérhæfðum og raunhæfum verkefnum
tjá sig í ræðu og riti um lögfræðileg málefni
beita upplýsingatækni við öflun upplýsinga og lausn verkefna
beita gagnrýnni og skapandi hugsun við lausn verkefna